Платформата „Vi ted“ објави дека ги отстранила огласите за предмети за кои постои сомневање дека биле украдени од продавници за време на немирите што избувнаа во Франција минатиот викенд. Компанијата, која овозможува препродажба на половна стока, изјави дека по немирите „веднаш презела мерки за идентификување и отстранување на огласите поврзани со грабежите“.

За време на немирите минатиот викенд, во продавници во неколку француски градови било провалено, по што тие биле ограбени. „Продажбата на украдена стока, како и барањето на такви предмети, е строго забранета на Vi ted; имаме политика на нулта толеранција во тој поглед“, изјави портпарол на компанијата.

[embedded co te t]

Во Париз, Марсеј, Лил и други места беа пријавени масовни грабежи, откако протестите прераснаа во немири. Уапсени се најмалку 1.200 лица.

Штета во вредност од стотици милиони евраСпоред челниците на Стопанските и индустриските комори (CCI), насилството изминатиот викенд директно погодило повеќе од 2.000 деловни субјекти. Ален Ди Крезенцо изјави за француската телевизија RTL дека немирите предизвикале штета во вредност од стотици милиони евра.

Биле забележани групи луѓе – од кои некои носеле маски и фантомки – како палат автомобили и згради, но и како ограбуваат продавници. Се чини дека оние што ја украле стоката сега се обидуваат што побрзо да ја продадат.

[embedded co te t]

„Уште од викендов, нашите тимови презедоа итни мерки за идентификување и отстранување на огласите поврзани со измами, а исто така го засиливме и следењето на сомнителните огласи. Кога ќе дојде до прекршување на нашите правила, преземаме мерки против вклучените кориснички сметки, вклучително и трајно исклучување од платформата“, потврдија од Vi ted за Би-би-си.

Компанијата соопшти дека соработува со француските власти и полицијата и ги прилагодува своите „процедури за откривање и борба против нови ризици и злонамерно однесување“.

[embedded co te t]

Луксузни продавници и бутици во Париз опкружени со обезбедувањеeBay не забележа зголемување на бројот на огласи поврзани со грабежите во Франција, но соопшти дека соработува со органите за спроведување на законот во истрагите за сомнителна украдена стока. Кога властите потврдуваат дека некој предмет е украден, eBay презема соодветни мерки, вклучително и отстранување на огласот и санкционирање на продавачот.

Ројтерс известува дека луксузните продавници и бутици на парискиот плоштад Вандом се затворени и опкружени со обезбедување. Сепак, според Ројтерс, голем број продавници во француската престолнина, вклучувајќи ги Диор, Ролекс, Луј Витон и Ралф Лорен, имаат оштетени фасади.

Фудбалскиот клуб Олимпик Марсеј објави дека неговата официјална продавница на главната историска авенија во Марсеј е ограбена. Клубот ја затвори продавницата, како и Лил, друг клуб од француската Лига 1, кој објави дека неговата клупска продавница ќе остане затворена до понатамошно известување.

ПОВРЗАНИ НАПИСИПОВЕЌЕ ОД АВТОРОТ