Во главниот град на Португалија, Лисабон, како и во Порто, на северозападот од земјата, протестите продолжија утрово на главните градски плоштади поради кризата со домувањето и зголемените трошоци за живот.
Демонстрантите поминаа мирна ноќ, седејќи и спиејќи на плоштадите во Лисабон и Порто, објави агенцијата „Луса“. Учесниците на протестот против кризата со домувањето и зголемените трошоци за живот поставија десетици шатори на централниот плоштад Росио во Лисабон во саботата навечер и објавија дека сакаат да останат таму.
#Po tugal #B eaki g Housi g p otest sta ts i #Lisbo with p oteste s setti g te ts at #Rossio Squa e. #acampada video via: https://t.co/uEOaRE3LVA pic.twitte .com/cQ9b 71Sgx
— José Miguel Sa do (@jmsa do) Octobe 17, 2026
Според синдикатот, десетици илјади луѓе учествуваа во маршот низ центарот на Лисабон во саботата, кој помина мирно, а полицијата не ја објави сопствената проценка за бројот на учесници.
Главните барања на учесниците на протестот во Лисабон се попристапни станови, пониски кирии, повисоки плати и пензии. Слични протести се одржуваат и во други европски градови поради растечките трошоци за живот и сè потешката достапност на станови, но и поради барањата за подобро образование.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
