Украинските напади со беспилотни летала предизвикаа пожар во терминал за извоз на нафта во Санкт Петербург, додека Киев истовремено лансирал повеќе од 1.000 дронови кон различни делови на Русија, во еден од најмасовните воздушни напади од почетокот на војната. Нападите се случуваат во услови на зголемени тензии меѓу Украина и Вашингтон, откако американскиот претседател Доналд Трамп го критикуваше Киев поради нападите врз руската нафтена инфраструктура, објави „Њујорк пост“.
Гувернерот на Санкт Петербург, Александар Беглов, соопшти дека во нападите загинало едно лице, а пет биле повредени. Пожари избиле на нафтениот терминал и во градското складиште за нафта „Ручи“.
https://t.co/ Rpc39oCwP
— Exile ova+ (@Exile ova_plus) Octobe 18, 2026
Меѓу целите на нападите биле и логистички центар на руската трговска компанија „Озон“ и центар за податоци на технолошката компанија ВК. Двете компании ја потврдиле информацијата дека нивните објекти биле погодени.
Руското Министерство за одбрана соопшти дека неговите сили уништиле 1.015 украински беспилотни летала над 15 руски региони, како и над анектираниот полуостров Крим и Црното Море.
Портпаролот на Кремљ, Дмитриј Песков, за руската државна новинска агенција ТАСС изјави дека Киев му се „спротивставува“ на руската инвазија, но дека Украина не може да го „промени сегашниот тек на настаните“.
Во меѓувреме, во два руски напада врз градот Запорожје, на југот на Украина, загинала една жена, а најмалку две лица биле повредени, меѓу кои и шестгодишно девојче, соопштија локалните власти.
Началникот на регионалната воена управа на Запорожје, Михајло Семикин, изјави дека биле оштетени две станбени згради, 18 автомобили и една образовна установа.
Американскиот претседател Доналд Трамп на 11 октомври објави дека Русија и Украина се договориле за „енергетско примирје“ во војната што трае четири и пол години. Тој не ги соопшти деталите од договорот, а Киев по неговата изјава пријави нови руски напади врз енергетски објекти.
Украина пред три дена потврди дека ги продолжила нападите врз руската нафтена инфраструктура по тридневна пауза. Украинската влада претходно тврдеше дека се придржува до примирјето.
Украинскиот претседател Володимир Зеленски изрази огорченост поради продолженото руско бомбардирање на енергетската инфраструктура, обвинувајќи ја Москва дека со тоа го игнорира барањето на Трамп двете страни да ги прекинат ваквите напади.
Зеленски денеска на платформата Икс објави дека Русија извршила 76 напади врз украинскиот енергетски, нафтен и гасен сектор во текот на една недела од објавувањето на договорот за енергетско примирје.
Тој наведе дека само во текот на изминатата ноќ биле нападнати трафостаници во регионите Виница, Житомир, Хмелницки и Одеса, поради што десетици илјади семејства останале без електрична енергија. Енергетските работници и екипите за поправки работат речиси деноноќно за да го обноват снабдувањето со струја.
Според Зеленски, во текот на ноќта руските сили нападнале и станбени објекти во украинските региони, при што, според неговите податоци, биле повредени 12 лица, меѓу кои две деца, а две лица загинале. Тој соопшти и дека утрото било погодено земјоделско стопанство во регионот Волин.
Si ce the Ame ica P eside t a ou ced the e e gy ceasefi e a week ago, Russia has delibe ately attacked Uk ai e’s e e gy a d oil a d gas secto s 76 times. Last ight alo e, the e we e st ikes o substatio s i the Vi ytsia, Zhytomy , Khmel ytskyi, a d Odesa egio s. Te s of thousa ds of families emai without powe . E e gy wo ke s a d epai c ews a e wo ki g vi tually a ou d the clock to esto e elect icity supply. Ove ight, the Russia s also st uck eside tial buildi gs i ou egio s. As of ow, 12 people have bee epo ted i ju ed, i cludi g two child e . Two people have bee killed. My co dole ces to thei families a d loved o es. This mo i g, the e was a st ike o a ag icultu al e te p ise i Voly . All ecessa y se vices a e wo ki g at the site.
I total, ove this past week, the Russia s have attacked Uk ai e with almost 2,700 attack d o es, 1,700 ae ial bombs, a d 66 missiles, most of them ballistic. The mai ta gets of these st ikes a e e e gy facilities – the Russia s a e t yi g to cause a blackout. A d Ame ica should see that Russia is ot taki g a y ecip ocal steps i espo se to sa ctio s elief o ag eeme ts. O the co t a y, they take eve y sig al of a oppo tu ity to make mo ey as p oof that thei bet o wa is payi g off a d they ca keep fighti g. It is because of this positio of Russia’s that the wa co ti ues, ot because Uk ai e is ightfully defe di g itself. It is Russia that must face p essu e fo peace to have a cha ce. Tha k you to eve yo e who u de sta ds this a d helps.
— Volodymy Zele skyy / Володимир Зеленський (@Zele skyyUa) Octobe 18, 2026
„Вкупно, во текот на изминатата недела, Русите ја нападнаа Украина со речиси 2.700 борбени дронови, 1.700 воздушни бомби и 66 ракети, од кои повеќето балистички. Главните цели на овие напади се енергетските објекти – Русите се обидуваат да предизвикаат целосен прекин на снабдувањето со електрична енергија“, напиша Зеленски.
Тој оцени дека САД треба да забележат оти Русија не презема соодветни чекори како одговор на ублажувањето на санкциите или постигнатите договори.
„Напротив, секој сигнал за можност за заработка го толкуваат како доказ дека нивниот облог на војната се исплатува и дека можат да продолжат да се борат“, порача украинскиот претседател.
Зеленски нагласи дека, според него, војната продолжува поради руската инвазија, а не поради украинската одбрана.
„Русија е таа што мора да се соочи со притисок за да има шанса за мир. Благодарност до сите што го разбираат тоа и помагаат“, напиша тој.
Американскиот претседател Доналд Трамп вчера изјави пред новинарите дека сè уште не е познато каква одлука ќе донесе во врска со натамошните санкции кон Русија, иако вечерта претходно потпишал извршна наредба со која се укинуваат планираните ограничувања.
Како причина за одлуката го навел националниот интерес на САД.
„Сè ќе решиме, ќе дознаете. Но, ова е многу добра одлука, одлука што ќе биде добра за земјата, а верувам и за целиот свет“, изјави Трамп на донаторска вечера во својот имот на Флорида.
Развојот на настаните се одвива во услови на продолжени руски и украински напади врз енергетската инфраструктура, додека Вашингтон се обидува да издејствува прекин на нападите и да отвори простор за намалување на интензитетот на војната.
