Според новите податоци од локалните власти, најмалку 35 лица загинаа, а 24 беа ранети во вчерашните руски напади врз источниот украински регион Доњецк. Во меѓувреме, Русија пријави четири жртви во својот регион Белгород, пренесува „Еуроњуз“.
„На 8 октомври, Русите убија 35 жители на регионот Доњецк: 32 во Краматорск и тројца во Биленке“, објави регионалниот гувернер Вадим Филашкин на „Телеграм“. Вчера наутро, руските сили погодија два автобуса во Краматорск. Јавниот превоз во градот потоа беше прекинат додека траеја операциите за пребарување и спасување.
По нападот врз Краматорск, украинскиот претседател Володимир Зеленски вчера изјави дека нападот нема да остане без одговор. „Русија се обидува да го уништи целиот живот во Донбас, а светот мора да реагира. Потребен е силен одговор – токму таков каков што го заслужуваат Русите за сите смртни случаи што ги предизвикаа“, напиша тој на платформата „Икс“.
Филашкин истакна дека Русија во изминатите 24 часа повеќе од 30 пати гранатирала делови од регионот Доњецк, што довело до евакуација на 379 лица. Гувернерот ги повика преостанатите жители да го напуштат регионот и да се преселат во побезбедни делови од земјата.
A othe st ike o a Russia oil efi e y i Omsk – o e of the majo efi e ies – as well as o the Ukhta oil efi e y, 1,900 kilomete s f om Uk ai e’s state bo de . The ta get i Ukhta was hit by A -196 RS d o es, which ca fly about 2,500 kilomete s, while FP-6 d o es (modified FP-1s) we e used agai st the Omsk efi e y the day befo e. We co ti ue to espo d to Russia’s attacks o Uk ai e, a d we’ e doi g so with high p ecisio . A othe data ce te was hit as well – ou symmet ical espo se. A impo ta t display of accu acy by ou wa io s. Glo y to Uk ai e!
— Volodymy Zele skyy / Володимир Зеленський (@Zele skyyUa) Octobe 9, 2026
Зеленски денеска објави дека украинските сили извршиле напад врз руска рафинерија за нафта во Омск, како и врз објект во Ухта.
„Имаше уште еден напад врз руската рафинерија за нафта во Омск – една од големите рафинерии – како и врз рафинеријата во Ухта, која се наоѓа на 1.900 километри од државната граница на Украина. Целта во Ухта беше погодена со дронови ’Ан-196 РС‘, кои имаат домет од околу 2.500 километри, додека претходниот ден против рафинеријата во Омск беа употребени дронови ’ФП-6‘ (модифицирани ’ФП-1‘)“, напиша Зеленски.
„Продолжуваме да одговараме на руските напади врз Украина, и тоа го правиме со висока прецизност. Погоден беше и уште еден центар за податоци – симетричен одговор од наша страна. Ова е важен показател за прецизноста на нашите борци. Слава на Украина!“, додаде Зеленски, објавувајќи снимки од последиците од нападите.
Поранешниот американски претседател Доналд Трамп претходно го повика Киев да престане со нападите врз руските рафинерии. Тој тврди дека овие напади предизвикуваат глобален недостиг што „му штети на светот“.
