Вчера во периодот од 08:00 до 13:00 часот, на територијата на целата држава, Секторот за сообраќајни работи при Министерството за внатрешни работи спроведе зајакнати акциски контроли над автобуси и други возила со кои се врши јавен превоз на патници.
При спроведените контроли контролирани се вкупно 405 автобуси и други возила со кои се врши јавен превоз на патници, при што кај 92 возила се констатирани неправилности.
Во рамки на контролите, на технички преглед биле упатени 170 возила, додека 34 се исклучени од сообраќај поради утврдени неисправности.
За сите констатирани прекршоци преземени се соодветни мерки согласно законските прописи.
Од Министерството за внатрешни работи велат дека продолжуваат со спроведување на зајакнати сообраќајни контроли, со цел обезбедување повисоко ниво на безбедност и сигурност при јавниот превоз на патници.
Текстот Акциска контрола на возила за јавен превоз – за пет часа констатирани 92 неправилности е превземен од МАКФАКС.
