Сем Тејлор-Џонсон отворено зборуваше за разликата во годините од 23 години меѓу неа и нејзиниот сопруг, Арон Тејлор-Џонсон.
Сем Тејлор-Џонсон и Арон Тејлор-Џонсон секогаш привлекуваат внимание кога се појавуваат заедно на настани. Иако разликата во годините е честа тема на разговор кога станува збор за овој пар, тие престанаа да обрнуваат внимание на таквите коментари.
Парот се запозна на снимањето на филмот Nowhere Boy во 2008 година, кога Арон имаше само 18, а Сем 42 години. Тие не започнаа врска сè додека проектот не беше завршен, иако за време на снимањето меѓу нив се развила „длабока поврзаност“.
Иако разликата во годините привлече значително внимание во јавноста низ годините, Сем – која сега има 59 години – инсистира на тоа дека всушност не ја чувствува разликата во годините меѓу себе и нејзиниот 36-годишен сопруг.
Кога ја прашаа дали нејзиниот помлад партнер ѝ помага да го задржи младешкиот поглед на животот, Сем рече:
„Јас навистина не гледам на тоа така. Зашто, како што ми кажа неодамна, тој се занимава со својата работа веќе 30 години.“
Арон го имаше своето деби на сцена на само шестгодишна возраст, а на 15 години го напушти училиштето за да се посвети на актерската кариера.
Сем додаде:
„Тој има многу помудра и поуникатна перспектива за работите отколку јас. Чувствувам дека тој е многу поприземен и постабилен отколку што јас некогаш би можела да бидам. Тоа е добра рамнотежа за мојата немирна, луда енергија.“
Во интервју за списанието The Sunday Times, режисерката откри и дека тие двајца делат многу слична енергија. „Може да кажам: ‘Арон, дали да земеме кученце?’, а тој би рекол: ‘Да, одлична идеја. Дали да земеме едно веднаш сега?’ И двајцата ја имаме таа луда енергија“, рече таа.
Сем го опиша својот сопруг како човек со „убаво тело, ум и дух“ и призна дека тој исто така се покажал како совршен модел за нејзините фотографии. Откако се вљубија во 2008 година, се свршија само една година подоцна, а стапија во брак во 2012 година. Заедно имаат две ќерки, Вајлда (16) и Роми (14).
Дел од семејството се и постарите ќерки на Сем, Анџелика (29) и Џеси (19), кои таа ги доби со својот поранешен сопруг, Џеј Џоплинг.
Сем претходно зборуваше за тоа како се вљубила во Арон на снимањето на филмот Nowhere Boy, но нагласи дека меѓу нив ништо не се случило сè додека филмот не бил завршен.
„Успеав да се воздржам речиси до самиот крај на филмот. Тогаш не бевме заедно. Можеби постоеја чувства, но не постапивме според нив“, додаде Сем.
Текстот Го запознала кога тој имал 18, а таа 42 години – и сè уште се обожаваат: „Имаме луда енергија“ е превземен од МАКФАКС.
