Во необичен и досега невиден симболичен протест, околу 30 софистицирани роботи маршираа пред зградата на Министерството за дигитални работи во Полска, барајќи построга регулација на вештачката интелигенција (AI) и заштита на човечките работни места.
Протестот го организираше организацијата „Демократизам „Democratism“ и нејзиниот „човечки лидер“ Гжегож Кулис. Наместо револтирани граѓани, пред државната институција се појавија напредни хуманоидни роботи (вклучувајќи го и моделот Agibot A3), како и четириножни роботски кучиња.
Машините се движеа во синхронизирани кругови, вееја полски знамиња и носеа транспаренти. Од монтираните звучници ечеа пораки како: „Бранете ги работните места“, „Време е за правила“ и „Не чекајте, регулирајте!“.
Протестот привлече огромно внимание кај јавноста, а организаторите беа пречекани и од самиот полски министер за дигитални работи, Кшиштоф Гавковски. Тој призна дека неконтролираното интегрирање на вештачката интелигенција во хуманоидните роботи претставува сериозен предизвик. Министерот најави дека Полска веќе работи на формирање специјализирана комисија и „регулаторни синџири“ за тестирање и следење на безбедноста на AI технологиите.
Оваа демонстрација предизвика лавина коментари на социјалните мрежи, каде што многумина ја коментираат длабоката иронија на денешницата – луѓето да мораат да користат роботска технологија за да испратат порака против преземањето на човечките работни места од страна на самите роботи.
