Лука Модриќ го прослави својот 41-ви роденден со семејството, а дел од прославата сподели со своите следбеници на Инстаграм. Објави ретка фотографија со мајка му Радојка и татко му Стипе, со кои позира насмеан со торта за роденден.
Хрватскиот фудбалер ретко споделува вакви семејни моменти на социјалните мрежи. Заедно со фотографијата со родителите, објави емотикони од црвени срца и стиснати раце.
Неговите родители беа голема поддршка
Низ годините, Модриќ неколку пати зборуваше за растењето и своето семејство, кое беше покрај него од тешките години обележани со војна и егзил до најголемите успеси во неговата фудбалска кариера.
Затоа фотографијата со неговите родители, кои не се појавуваат често во неговите објави, го привлече вниманието на неговите следбеници.
Тортата за роденден повторно привлече внимание
На фотографијата се гледа и тортата со која Модриќ го прослави својот 41-ви роденден. Станува збор за помала чоколадна торта украсена со малини и црвени свеќи во облик на бројот 41. Слични торти се појавуваат на неговите фотографии од роденден трета година по ред, а нивната скромна големина претходно ги забавуваше неговите обожаватели.
Текстот Модриќ го прослави својот роденден со семејството, внимание привлече скромната торта е превземен од МАКФАКС.
