Американскиот претседател Доналд Трамп денес изјави дека верува оти иранскиот врховен лидер Моџтаба Хамнеи е жив, но дека левата страна од неговото тело е сериозно повредена, пренесуваат светските агенции.
„Тој беше многу тешко ранет. Левата страна од неговото тело, раката, ногата, сè“, му рече Трамп на политичкиот коментатор Глен Бек.
Тој додаде дека ако Хамнеи е мртов, иранската влада „тогаш дејствува доста добро“, тврдејќи дека редовно се консултира со него.
На 9 август, Иран објави видео на кое се гледа како Хамнеи зборува пред толпа. Некои аналитичари тврдат дека е направено пред војната.
„Војната ќе заврши доста брзо“
Трамп рече дека војната со Иран ќе заврши „прилично брзо“, повторувајќи го тврдењето дека САД успешно го отвориле Ормускиот теснец.
Тој изјави дека вчера преку стратешки важниот воден пат биле транспортирани десет милиони барели нафта и дека 22 брода сигурно поминале низ него преку ноќта.
„Победивме во Венецуела и многу наскоро ќе постигнеме голема победа и тука“, рече тој.
Текстот Трамп: Ако Хамнеи е мртов тогаш иранската влада многу добро глуми е превземен од МАКФАКС.
