Епидемиолошката состојба во Гостивар е стабилна, а надлежните здравствени институции продолжуваат со континуирано следење, информира Министерството за здравство.
Во текот на 1 август се регистрирани 57 први прегледи на пациенти, што е намалување за три случаи во однос на претходниот ден, кога биле евидентирани 60 прегледи. Во изминатото деноноќие нема регистрирани нови хоспитализации.
Според податоците на Министерството, заклучно со 1 август во Гостивар се пријавени вкупно 1.041 случаи на заразна болест, а здравствените служби изработиле 734 епидемиолошки анкети.
Текстот Министерство за здравство: Стабилна е епидемиолошката состојба во Гостивар, нема нови хоспитализации е превземен од МАКФАКС.
