Поранешниот градоначалник на Општина Лозово од редовите на СДСМ, Ацо Велковски, преку објава на својот Фејсбук-профил ги претстави приоритетите на, како што наведува, новата млада Влада, истакнувајќи дека нејзиниот едногодишен мандат ќе биде посветен на спроведување промени во повеќе клучни области.
Според Велковски, меѓу главните приоритети се почетна плата од 1200 евра, силно државно здравство, квалитетно државно образование и заштита на државните интереси.
Во објавата тој наведува:
„Едногодишниот мандат на новата млада Влада ќе биде посветен на промени и јасни приоритети:
Почетна плата од 1200 евра
Силно државно здравство
Квалитетно државно образование
Заштита на државните интереси
Ќе го следиме примерот на Луксембург, природните државни ресурси и капацитети ќе бидат државни, без конкуренција и без концесија.
Да си ја вратиме државата во државни раце!
Време е за храбри одлуки!“
