Вчера во 17:30 часот во с.Руница, општина Липково, полициски службеници од Мобилната единица за компезаторни мерки при Одделот за гранични работи и миграции во БЈБ ги лишија од слобода Ф.Ќ.(46) од с.Лопате, кумановско и Р.А.(51) од с.Слупчане, липковско.
При преземање службени мерки и вршење патролна дејност, полициски службеници сопреле и извршиле контрола во товарно возило „цитроен“ со тетовски регистарски ознаки, управувано од Ф.Ќ.(46) и во товарно возило „фиат дукато“ без регистарски ознаки, управувано од Р.А.(51).
Притоа, било констатирано дека возилата се натоварени со нежигосани огревни дрва без документација.
Дрвната маса е предадена на Отсекот за криминалистичка полиција – Одделение за економски криминал при СВР Куманово и по целосно документирање на случајот против Ф.Ќ. и Р.А. ќе бидат поднесени соодветни пријави, соопшти полицијата.
Текстот Уапсени двајца дрвокрадци во липковско, пронајдено огревно дрво без документација е превземен од МАКФАКС.
