Марија Шарапова се појави на трибините на Ролан Гарос и ги шармираше сите присутни со својот аутфит. И, навистина, таа сè уште може да ја носи титулата најубава тенисерка на светот.

Иако одамна го постигна статусот на пензионерка, познатата Марија Шарапова не пропушта можност да ужива во светските настани, дури и во натпреварите на своите млади колешки. Таа предизвика вистинска возбуда на трибините на Ролан Гарос, во комбинација што совршено ѝ одговара.

Таа носеше впечатлив темно син комплет – сако со длабок крој и долго, широко здолниште со набори. Сакото и здолништето имаа црвени и бели украси, а аутфитот го заокружи со беж чевли со високи потпетици и мала жолта чанта.

Елегантната, но смела комбинација брзо го привлече вниманието на фотографите, па затоа не е ни чудо што Марија беше главна тема на модните критичари на мрежите.

Беше во друштво на Кристина Романова, руска манекенка и директорка на „Аман Есенцијалс“, што дополнително го разбуди интересот на фотографите.

Во секој случај, Марија го надополни својот изглед со едноставна фризура и со минимална шминка во земјени тонови.

Текстот (Фото/Видео) Марија Шарапова се врати на Ролан Гарос – и беше тешко да се тргне погледот од неа е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ