Иранскиот министер за надворешни работи, Абас Арагчи, утрово пристигна во Санкт Петербург, каде што треба да се сретне со рускиот претседател Владимир Путин.
Фокусот на разговорите ќе биде на координирање на активностите и унапредување на заедничките програми на регионално и меѓународно ниво, објави иранскиот амбасадор во Москва, Казем Џалали, на социјалната мрежа Икс, пренесува Си-ен-ен.
Долгогодишно партнерство
Русија и Иран се долгогодишни партнери, а Москва беше клучен дипломатски сојузник на Техеран за време на конфликтот со САД. Кремљ претходно понуди да го преземе збогатениот ураниум на Иран за складирање или преработка на руска почва, но понудата наводно била одбиена од тогашниот американски претседател Доналд Трамп. Партнерството дополнително се зајакна во јануари минатата година, кога двете земји потпишаа 20-годишен договор за економска, воена и политичка соработка. Иако Русија ги смета нападите на САД врз Иран за „неиспровоцирана агресија“, важно е да се напомене дека потпишаниот договор не вклучува клаузула за меѓусебна одбрана.
Разузнавање и медијација
Си-ен-ен објави во март, повикувајќи се на повеќе извори запознаени со американските разузнавачки служби, дека Русија му обезбедува на Иран информации за локациите и движењата на американските трупи, бродови и авиони. Ова беше протолкувано како прв показател дека Москва се стреми да се приклучи на конфликтот. Во меѓувреме, во неодамнешниот разговор со својот пакистански колега, Мохамед Ишак Дар, рускиот министер за надворешни работи Сергеј Лавров изјави дека „високо ги цени“ напорите за посредништво на Исламабад меѓу Иран и САД и ја изрази „подготвеноста на Москва да придонесе за ова“.
Посетата на Русија е последната етапа од турнејата на Арагчи во странство, за време на која тој се сретна и со клучните посредници во Пакистан и Оман во неделата.
Текстот Зошто иранскиот министер допатува во Русија на средба со Путин? е превземен од МАКФАКС.
