Министерот за финансии на САД, Скот Бесент, ја потврди претходната изјава на Доналд Трамп дека блокадата на иранските пристаништа од страна на САД останува на сила. Бесент во објава на социјалните мрежи тврдеше дека е само „прашање на денови“ пред да се наполнат складиштата на островот Харг, преку кои се транспортира повеќе од 90 проценти од извозот на нафта од Иран, по што ќе следи „затворање“ на кревките ирански нафтени бунари.
Бесент, исто така, вети дека ќе примени „максимален притисок преку економски бес за систематски да ја деградира способноста на Техеран да создава, движи и враќа средства во земјата“, објави Скај њуз.
Најавите дојдоа откако американскиот претседател Трамп изјави дека прекинот на огнот со Иран ќе биде продолжен „додека не го дадат својот предлог и дискусиите не се завршат, на еден или друг начин“. Подоцна тој дополнително ја интензивираше својата реторика за продолжување на блокадата, тврдејќи дека Ормускиот теснец е „целосно БЛОКИРАН“.
Текстот САД потврдуваат: Блокадата на иранските пристаништа и извозот на нафта останува на сила е превземен од МАКФАКС.
