Англиската манекенка Наоми Кембел (50) повторно покажа дека е незаменлива и на 51 година додека позираше за насловната страница на магазинот „i-D“.
Поранешниот топ модел и поранешен ангел на „Victoria’s Secret“се соблече за потребите на снимањето и покажа дека изгледа совршено и младешки.
Таканаречената „црна пантерка“, која влезе во светот на модата на своја 15-годишна возраст, сепак изгледа одлично за нејзините години, па многу жени ширум светот можат да и позавидат на нејзиното згодно тело и убавото лице, а сите велат дека изгледа најмалку 10 години помладо
Таа сега позираше за списанието „i-D“ во прекрасната Кенија, каде има и своја куќа, па рече:
– Кога ќе ги погледнете овие слики, се надевам дека ќе видите дека Кенија е убава, дека Африка е убава, рече Наоми.
– Мислам дека луѓето сега навистина ќе го отворат својот ум и ќе започнат да сфаќаат дека вистинската убавина е во Африка. Има толку скапоцени камења, толку многу скриени тајни. Доаѓам овде од 1994 година и сè уште ги откривам работите, истакна Наоми.
– Горда сум што сум дел од оваа фотосесија со млади креативци, а притоа сите се моја боја на кожа, истакна таа.
– Кога сум во Кенија, има денови кои се помалку хаотични од другите, но јас сум секогаш зафатена. Во моментов сум повнимателна поради ситуацијата со ковид – 19, но повторно ги посетив децата во домот за деца без родители што ги поддржувам и не сакав да ги изневерам. Сакам да допрам до што е можно повеќе луѓе. Сакам да ширам свест. Има дел од мене каде што, ако сакам нешто, сакам светот да знае за тоа, рече Наоми и истакна колку е важно да им се помага на децата без родители.
Да потсетиме, убавата манекенка е родена во Лондон. Нејзината мајка е од Јамајка, но никогаш не го запознала својот татко, па отсекогаш била вклучена во хуманитарна работа, помагајќи им на децата во домовите ширум светот, а претежно во Африка.
