Вчера во 12:50 часот, полициски службеници од ОВР Кавадарци, лишија од слобода 22-годишник со привремен престој во Росоман, постапувајќи по претходна пријава дека во домот физички ја нападнал неговата 22-годишна невенчана сопруга, при што употребил и дрвен предмет. Тој бил приведен во полициска станица, известен бил јавен обвинител и по документирање на настанот против него ќе биде поднесена соодветна пријава.
Вчера во 23:30 часот, во Велес, полициски службеници од СВР Велес лишија од слобода 24-годишен велешанец, постапувајќи по претходна пријава дека во домот физички ја нападнал неговата 28-годишна сестра и им се заканувал на останатите членови на семејството. Тој бил задржан во полициска станица, известен бил јавен обвинител и по документирање на настанот против него ќе биде поднесена соодветна пријава.
Исто така вчера во 23:06 часот во СВР Скопје, 41-годишен маж од Скопје пријави дека околу 17:30 часот во семејниот дом на подрачјето на Карпош во Скопје, бил физички нападнат од неговата сопруга. По целосно документирање на случајот, ќе следува соодветна пријава.
Текстот Двајца уапсени за семејно насилство во последното деноноќие, вкупно пријавени три настани е превземен од МАКФАКС.
