Американскиот претседател Доналд Трамп го нарече гувернерот на Калифорнија, Гевин Њусом, „расист“ вчера вечер, продолжувајќи ја својата долгогодишна расправија со водечкиот демократ во државата.

Трамп се огласи на својата мрежа Truth Social за да одговори на изјавата што Њусом ја даде минатиот месец за време на промоцијата на книгата, нарекувајќи ја „најсамодеструктивното интервју што некогаш сум го видел“, објави The Hill.

„Со еден потег, тој сам себе се елиминираше од разгледувањето за претседателската номинација на ‘Лудите демократи’“, напиша Трамп за гувернерот, кој се смета за водечки кандидат за демократската номинација во 2028 година.

За време на разговорот со градоначалникот на Атланта, Андре Дикенс, како дел од промоцијата на неговите мемоари, Њусом им рече на публиката: „Не се обидувам да ве импресионирам. Само се обидувам да истакнам, јас сум ист како вас.“

„Не сум ништо подобар од вас“, продолжи тој. „Јас сум човек со 960 бодови на SAT. Не сакам никого да навредам или да се правам паметен ако сте имале 940. Но да, јас сум буквално човек со 960 бодови. Никогаш не сте ме виделе да читам говор затоа што не можам да читам.“

Конзервативците остро го критикуваа гувернерот за неговите забелешки, а претседателката на Републиканската партија во Калифорнија го обвини Њусом за омаловажување на црните гласачи.

„Гевин Њусом продолжува да ги омаловажува црните луѓе, сугерирајќи дека не сме доволно паметни или способни да добиеме лична карта, пасош, па дури ни да освоиме над илјада поени на тестот SAT“, рече Корин Ранкин.

Њусом минатиот месец разјасни дека неговите коментари не се расистички, туку потсетник на неговата доживотна борба со дислексија, која ја споменал во претходните интервјуа.

Тој вчера одговори на објавата на Трамп, повторувајќи дека зборувал за својата дислексија.

„Знам дека ова е тешко да се разбере за еден безумен идиот кој бомбардира деца и ги штити педофилите“, додаде Њусом.

Сепак, Трамп продолжи со нападите врз Њусом синоќа.

„Во својот говор, тој рече дека е глупав, имал лоши резултати на тестови, не можел да чита, имал дислексија и имал ментално нарушување – когнитивен хаос! Покрај тоа, црнците се бесни затоа што тој е очигледно расист“, напиша тој.

„Иако сите сакаме да бидеме политички коректни, менталното нарушување не е позитивна работа за кампањата“, продолжи тој, нарекувајќи ја изјавата на Њусом „чин на политичко самоубиство“.

Трамп ја заврши својата порака тврдејќи дека Њусом „веќе не е одржлив како претседателски кандидат!“

Текстот Гувернерот на Калифорнија: Трамп е безумен идиот кој бомбардира деца и ги штити педофилите е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ