ВМРО-ДПМНЕ денес до претседателот на Собранието Талат Џафери ги достави потписите и записниците од Иницијативата за донесување на закон за поништување на законот за попис.
Како што велат од опозициската партија неколку пати укажале дека има лош закон, штетен и нема да ја прикаже реалната состојба на жителите во Македонија.
Затоа, и преку собранието поднесоа четириесетина амандмани со кои што требаше да се подобри текстот на законот. Но, сите беа одбиени.
ВМРО-ДПМНЕ вели дека никаде во светот нема попис на резидентно население, а да се попишуваат и нерезидентите односно граѓаните кои не живеат во Република Македонија.
Апелираат да прекине со постапката за попис бидејќи, како што велат, секаде во Европа и во светот, пописите се одложени за 2022 година.
