Oд утре почнува етапната исплата на јануарските пензии, информираат од Министерството за труд и социјална политика. ОД таму додаваат дека пензиите ќе бидат исплатени предвреме и етапно, со цел да се овозможи поголема заштита на пензионерите во услови на опасност од коронавирусот КОВИД-19.
Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата:
– Advertisement –
– Во вторник, на 26.01.2021 година исплата на пензии со висина до 11.000 денари;
– Во среда на 27.01.2021 година исплата на пензии во висина од 11.001 денари до 14.000 денари;
– Во четврток на 28.01.2021 година исплата на пензии во висина од 14.001 денари до 18.000 денари;
– Во петок, на 29.01. 2021 година исплата на пензии во висина над 18.000 денари.
Пензионерите кои користат платежна картичка, поврзана со сметката на која се префрлува пензијата, со парите можат да располагаат од вторник 26 јануари. Тие можат да ја подигнат пензијата на банкомат, да ги користат средствата за плаќање во трговската мрежа или за електронски плаќања.
Етапното процесирање на пензиите ќе овозможи спроведување на препораките и мерките за спречување и ширење на вирусот, со оглед на тоа што пензионерите како возрасна група се најранливи.
