Бен Афлек даде малку нејасна изјава додека го промовира филмот Accountant 2. Актерот призна дека се поврзува со неговиот лик Кристијан Волф, кој не е баш најдобар во флертувањето.
„Имате лик што сака да има врска со жена и се обидува да сфати како да го направи тоа, како да се вклучи во играта. Тој навистина не знае да флертува и не му е удобно со тоа – како и на повеќето од нас“, рече Афлек, пренесува „Пејџ сикс“.
„Никому не му е лесно да се движи во врската, особено на почетокот кога се обидувате да процените нечии сигнали. Што значи тоа? Дали оваа личност ме гледа? Дали ѝ се допаѓам?“, опиша тој и додаде дека понекогаш е лесно да се посрамите себеси во такви ситуации.
Да потсетиме, Афлек и Џенифер Лопез официјално се разведоа на 21 февруари. Според судските документи, судијата на Врховниот суд во Лос Анџелес го одобрил нивниот спогодбен развод на 6 јануари, шест месеци откога пејачката поднесе барање за развод. Двојката постигна договор со посредство уште во септември, со што избегна долга судска битка.
Текстот Бен Афлек за флертувањето по разводот: Многу е лесно да се посрамотиш е превземен од МАКФАКС.
