Украина не е официјално информирана за руско-американските разговори што ќе се одржат утре во Ријад и нема да признае никаков договор за нејзината иднина склучен без него, предупреди денеска украинскиот претседател Володимир Зеленски, пренесува Интерфакс Украина.
„Украина нема да учествува“ во овие преговори и „не знае ништо“ за тоа дека тие се одржуваат во Саудиска Арабија, рече Зеленски.
„Украина верува дека преговорите за Украина без Украина се без резултати… ние нема да признаеме такви договори“, рече Зеленски.
Утре во Ријад ќе се сретнат делегации на Русија и САД, предводени од нивните министри за надворешни работи, а според соопштението на Кремљ, ќе разговараат за обновувањето на односите, како и за Украина и подготовката на самитот меѓу американскиот претседател Доналд Трамп и рускиот претседател Владимир Путин за Украина.