Авионот со американскиот државен секретар Марко Рубио и претседателот на Комитетот за надворешни односи на Сенатот Џим Риш, кој летал за Германија на Минхенската безбедносна конференција, бил принуден да се врати во Вашингтон поради технички проблеми, пренесе АП.
Проблемот е откриен час и половина по полетувањето од заедничката база Ендрјус поради дефект на шофершајбната на пилотската кабина. Авионот се врати на местото на полетување, каде што се во тек плановите да се организира лет кон Рубио со друг авион.
Одложувањето нема да влијае на плановите на државниот секретар да го продолжи своето патување во Германија и на Блискиот Исток, но се уште не е јасно дали ситуацијата ќе доведе до пропуштање на важни средби во Минхен, вклучително и оние со американскиот потпретседател и со претседателот на Украина.
За потсетување, во Минхен започнува 61. безбедносна конференција на која учествуваат повеќе од 60 светски лидери. Украинската делегација, предводена од претседателот Зеленски, ќе претстави визија за постигнување траен мир. Американскиот потпретседател Џеј Ди Венс планира да се сретне со Зеленски за време на конференцијата во Минхен.
Текстот Авионот со Рубио бил принуден да се врати во Вашингтон, одеше за Минхен е превземен од МАКФАКС.
