Пејачката Шакира отворено проговори за раскинувањето со поранешниот фудбалер Жерар Пике. Нивната врска траеше 11 години, а во тој период добија две деца, синовите Милан и Саша. Пред три години тие решија да тргнат по својот пат, што беше исклучително тежок период за Шакира. Но, сега призна дека музиката и била најголема поддршка во тој процес.
„Поминав низ неколку тешки години“
„Научив дека мојата музика има терапевтски ефект. Поминав низ тешки години, лично, знаете, со раскинувањето и слично, но музиката беше како лепак што ме врати заедно. Песните се развиваат, тие живеат свои животи… Тие се развиваат во животот на луѓето. Тие стануваат саундтрак за многу луѓе, вклучувајќи ме и мене. Се сеќавам на едно поглавје од мојот живот преку сопствената музика и каде бев емотивно и ментално“, рече таа во интервју за Зејн Лоу.
Таа, исто така, призна дека верува дека нејзините шанси да најде нова љубов сега се помали, но најважно за неа е да биде посветена на своите деца. „Се грижам за две деца, две бебиња кои толку многу зависат од мене, а јас сум самохрана мајка, немам маж или домашна помошничка“, вели таа.
Шакира и Пике се запознаа во 2010 година на снимањето на спотот за песната Waka Waka, а една година подоцна јавно ја потврдија врската. Првиот син го добија во 2013 година, а вториот во 2015 година. Сепак, седум години подоцна ја изненадија јавноста објавувајќи го нивното раскинување, поради гласините дека поранешниот фудбалер бил неверен. Набргу потоа, Пике започна врска со Клара Чиа Марти, додека Шакира неодамна беше поврзувана со актерот Лусиен Лависконт, познат по улогата во серијата Емили во Париз.
Текстот Шакира проговори за љубовта по Пике: Моите шанси сега се многу помали е превземен од МАКФАКС.
