Околу еден милион постари луѓе во Велика Британија се чувствуваат поосамено за време на божиќните празници отколку во кое било друго време од годината, покажуваат најновите истражувања.
Околу 590.000 луѓе постари од 65 години во Велика Британија на Божиќ нема никого да видат и да разговараат, а 1,4 милиони од нив ќе вечераат сами – без друштво, покажува истражувањето на хуманитарната организација „Age UK“, пренесува Sky News.
Организацијата наведува дека осаменоста и социјалната изолација се проблем за старите лица во Велика Британија во текот на целата година, но и дека овие надежи особено тешко им паѓаат во празничниот период кога секој десетти постар човек е сам, како што е случајот денес, 25 декември. Според истражувањата, околу милион постари луѓе во овој период од годината се чувствуваат поизолирани отколку во кое било друго време во текот на годината, пренесува Танјуг.
Поради оваа причина, „Age UK“ во декември организира стотици настани низ Велика Британија, што, како што велат, е можност за членовите на постарата популација да се сретнат со други луѓе од локалната заедница.
Една од облиците на помош која оваа хуманитарна организација им ја пружа на старите лица е телефонската линија „Сребрена линија“ која работи 365 дена во годината, пишува Sky News.
Текстот Британија: повеќе од половина милион стари луѓе нема да разговараат со никого на Божиќ е превземен од МАКФАКС.
