Цените на производите во маркетите продолжуваат да растат, а граѓаните се соочуваат со сè поголеми тешкотии во секојдневното живеење. Според опозицијата, и покрај зголемениот број на производи кои се дел од т.н. „новогодишна кошничка“, трговците веќе ги зголемиле цените на овие производи, што ги прави овие мерки неефективни.
„Политиките на власта со ‘кошнички’ се промашени и немаат никакво влијание. Измамата со кошничките е очигледна за сите граѓани кои ја гледаат секојдневно во маркетите, каде што цените на производите постојано растат. Најновите податоци на Државниот завод за статистика покажуваат поголема инфлација за 4,3% во месец ноември, како и зголемување на цените на мало за 3,5%. Високите цени и инфлацијата директно влијаат на семејните буџети. Граѓаните имаат сè помалку пари, што води кон сè поголема сиромаштија“, додаваат од опозицијата, обвинувајќи ја власта за лоши политики.
„Лошите политики на Мицкоски ја погодуваат сиромаштијата на народот. Влада, наместо лаги и манипулации, треба да почне да работи на заштита на стандардот на граѓаните и да ги прифати издржаните предлози на СДСМ за намалување на цените и зголемување на платите“, додаваат од СДСМ.
