Бугарија никогаш не отстапила од договорената рамка и не поставува дополнителни услови за почеток на преговорите за членство во ЕУ на Република Северна Македонија, туку сака Скопје да ги почитува европските договори. Тоа не се бугарски барања, туку европски критериуми за членство, од кои главен е заштитата на човековите права. Ова го изјави потпретседателката на Бугарија Илијана Јотова пред специјалниот претставник на Германија за Западен Балкан, Мануел Сарацин, со кого се сретна на „Дондуков“ 2, јавува БГНЕС, пренесува Трибуна.
Во разговорот беше нагласена водечката улога на Бугарија во процесот на евроинтеграциите на земјите од Западен Балкан. Илијана Јотова истакна дека во 2018 г за време на претседавањето со Советот на Европската унија, Бугарија успеала да ја врати на европската агенда темата за европската иднина на Западен Балкан – процес кој запрел уште во 2003 година. Таа ја идентификуваше декларацијата усвоена во Софија од самитот ЕУ-Западен Балкан како клучен документ, кој потоа не бил доволно развиен.
Во врска со почетокот на преговорите за европско членство со Република Северна Македонија, потпретседателката укажа на цврстиот консензус на бугарската позиција во врска со влезот на Бугарите во Уставот и целосното спроведување на Договорот за пријателство, добрососедство и соработка.
„Очекуваме Скопје да ги исполни договорите донесени во 2022 година. Француски предлог што беше одобрен од сите земји-членки на ЕУ и Северна Македонија“, рече Илијана Јотова. Таа посочи што очекува Софија од Скопје – вклучување на Бугарите во уставот на Република Северна Македонија, реални резултати од активностите на историската комисија, мерки за спречување на ширењето на антибугарската идеологија и злосторства од омраза, дискриминацијата на луѓето кои се идентификуваат како Бугари, на говорот на омраза кон Бугарите и кон Бугарија.
„Досега ништо не е постигнато, нема ниту предлог за текст за уставните измени. Дополнително, Скопје ги стопира заедничките билатерални и европски проекти“, посочи потпретседателот, давајќи го примерот со изградбата на Коридорот 8, кој е исклучително важен инфраструктурен проект за целиот регион и за Европската унија.
