Земјите на НАТО треба да ги зголемат одбранбените распределби, а трансатлантските врски во алијансата треба да бидат „цврсти“, изјави денеска Марк Руте, новиот генерален секретар на НАТО.
За време на заедничката конференција со Јенс Столтенберг, кого го наследува како генерален секретар на НАТО, Руте додаде дека Украина останува приоритет на алијансата, пренесува Ројтерс.
Тој додаде дека не е загрижен за исходот на изборите во САД, бидејќи, како што наведе, ќе соработува со кој било кандидат.
Руте истакна дека едвај чека да го започне мандатот како генерален секретар на НАТО и му се заблагодари на Столтенберг за неговиот придонес при извршувањето на оваа функција.
Во Брисел денеска започна предавањето на должностите на местото генерален секретар на НАТО, во кое Јенс Столтенберг, еден од најдолговечните функционери во алијансата, ќе го наследи поранешниот холандски премиер Марк Руте, во време кога НАТО се соочува со некои од најголемите предизвици во нејзината историја, пренесува Танјуг.
Столтенберг, 13-тиот генерален секретар на НАТО, ја презеде функцијата во 2014 година, а должината на неговиот мандат го надмина само холандскиот дипломат Јозеф Лунс, кој помина 13 години на чело на НАТО.
Воениот комитет на НАТО вчера официјално се прости од Столтенберг, а заменик-претседателот на Воениот комитет, генерал-полковник Ендру М. Роулинг го пофали неговото „демократско лидерство и духот на сила и единство што им го донесе на сојузничките сили“.
Во својот говор, Столтенберг се заблагодари за „напорот и соработката во изминатите 10 години“ и истакна дека „НАТО сега е поголем, посилен и поподготвен од кога било да се соочи со каков било предизвик“, како и дека „издржливоста и силата на НАТО што ја прават не зависат од поединци, туку од колективот“.
Руте ќе стане 14-ти генерален секретар во историјата на НАТО.
