Во вакцината против ковид-19 на американската компанија „Фајзер” и на германската „БајонТек“ нема микрочип, напиша денеска влијателниот американски весник „Њујорк тајмс”.
Авторот на текстот Кетрин Ву ги следи обидите за дезинформации на социјалните мрежи. Таа категорично ги отфрла теориите на заговор што кружат преку интернет, според кои, американската Влада ставила микрочип во вакцината за набљудување и следење на луѓето.
Вакцината на „Фајзер” и „БиоНТек” содржи 10 состојки.
Активната состојка е молекула наречена РНК или mRNA која содржи генетски упатства за коронавирусен протеин наречен Спајк и ги „упатува” човечките клетки да го произведат. Ова му помага на телото да ја научи една од карактеристиките на вирусот, така што ќе може да се препознае и уништи ако се обиде да предизвика инфекција.
Останатите девет состојки се:
– Четири липиди: Три со неверојатно сложени хемиски имиња кои формираат мрсен, заштитен меур околу mRNA и холестерол.
– Сахароза (шеќер)
– Четири видови на соли: калиум хлорид, монобазен калиум фосфат, основен натриум фосфат дихидрат и натриум хлорид (готварска сол).
