Претседателот на ВМРО-ДПМНЕ Христијан Мицкоски заедно со потпретседателите на партијата Тимчо Муцунски и Владо Мисајловски остварил средба со помошник државниот секретар за европски и евроазиски прашања на САД, Џејмс О’ Брајан соопштуваат од ВМРО ДПМНЕ.
На средбата, како што др наведува во партиското соопштение, соговорниците ги потврдиле добрите односи и потребата за искористување на придобивките од стратешкото партнерство со САД.
Мицкоски истакнал дека освен членството во Европската Унија, стратешки интерес на државата е и заштита на националните и идентитетските обележја на македонскиот народ и на Македонија.
Од страна на Мицкоски била афирмирана и потребата за сериозна борба против корупцијата и криминалот и неопходноста од системски реформи кои ќе го подобрат стандардот на државата.
Соговорниците се осврнале и на повеќе прашања од регионално значење.
