Во страшна состојба се лифтовите во Клиничката болница во Тетово. Во интернистичкиот и хируршкиот блок, 5 лифтови се нефункционални, додека некои други што работат, поради староста не се толку безбедни за користење, јавува ТВ21. Пред не повеќе од два дена едно лице се заглавило во лифт додека одело на петти кат да посети член на семејството. И сега, како последица на траумата, и покрај тоа што има здравствен проблем, тој е принуден да оди пешки до 5-ти кат, бидејќи се плаши повторно да го користи лифтот.
-Многу тешко, но нема што да правиме. Не прашувај колку сме уморни. Толку сме уморни што можеме дури и да се онесвестиме. Нема обезбедување. Вчера се качив и се расипа, останавме внатре. Не се задржавме долго бидејќи мајсторот дојде брзо. Овој лифт се расипа. Стигна до катот и се заглави-вели граѓанин.
Пациентите и оние кои ги посетуваат своите семејства во болницата, апелираат што поскоро да се средат лифтовите.
-Воопшто не ги користиме бидејќи не функционираат. Многу малку работат така што воопшто не ги користиме. Повеќе одиме пешки. Тој проблем ми се случи пред 3 месеци и пред 1 година со снаата на син ми. Тоа се случи со жена ми пред 3 месеци, бидејќи таа е инвалид. Едвај ги качивме.“
-Се плашам да не снема струја и да останам во лифтот бидејќи имам слабо срце. Затоа што еднаш се качив во лифт и лифтот застана. Потребни се нови лифтови и струјата мора да биде стабилна. Бидејќи ако снема струја, лифтот застанува. Ќе умрам од страв“.
-Ние не ги користиме. На пациентите им оставаме повеќе да користат. Одиме пешки.
Раководителите на Клиничката болница во Тетово велат дека од 12 лифтови во целата болница, само 5 се функционални. Велат дека се очекува Министерството за здравство да почне да работи на санирање на нефункционалните лифтови. Од Министерството за здравство велат дека тендерот за лифтовите на Клиничката болница во Тетово поминал и дека се чека рокот за поплаки. Откако ова ќе заврши, ветуваат дека веднаш ќе почнат со работа на поправање на 5-те нефункционални лифтови.
Според нашите информации, договорот меѓу Министерството за здравство и фирмата што го доби тендерот предвидува производството и поставувањето на новите лифтови да заврши во рок од 1 месец од почетокот на работите.
Инаку, над 200.000 жители на Тетово и околината се потенцијални пациенти на Клиничката болница во Тетово. Честопати и болницата е преоптоварена со пациенти поради големата потреба што се јавува, особено во периоди на вируси.
