САД планираат да ја продлабочат соработката со Бугарија, Молдавија, Грузија, Украина, Романија. Ова станува јасно од „Законот за безбедност на Црното Море“ доставен до американскиот Конгрес, јавува Фактор, пренесува Трибуна.

Во документот се наведува дека приоритет ќе бидат активностите како разузнавање и следење на руските операции во регионот на Црното Море, создавање на меѓународен штаб кој ќе биде одговорен за планирање, подготовка, спроведување и координација на мултинационалните воени сили. Борбата против руските дезинформации со поддршка на САД е исто така дел од приоритетите.

Законот го прогласува регионот на Црното Море за арена на руска агресија и декларира дека е во интерес на САД да ги поддржат напорите за спречување на ширење на натамошен вооружен конфликт во Европа.

Амбасадорот на САД во Бугарија, Кенет Мертен, неодамна потсети на документот, кој ќе ги фокусира прашањата од регионот, бидејќи има сериозни проблеми во одредени делови на Црното Море.

Во моментов во тек се вторите 10 дена од продолжената руска воена вежба во економската зона на Бугарија.

Ако останеме само со ова второ продолжување, нема проблем, изјави неодамна министерот за одбрана Тодор Тагарев, но според него, Бугарија може да има проблеми со истражувањето за гас во Црното Море.

Американскиот закон за безбедност во Црното Море ја вклучува Турција во плановите, но потсетува дека „нејзиното однесување кон некои регионални сојузници и демократски држави е контрапродуктивно“.

ПОВРЗАНИ НАПИСИПОВЕЌЕ ОД АВТОРОТ