Лидерот на ВМРО-ДПМНЕ, Христијан Мицкоски во видео обраќање кажа дека гевгелискиот градоначалник, Андон Сарамандов и неговиот тим годинава ја оправдале довербата на гевгеличани, како и дека се вложиле себе си за Гевгелија да доживее промени.
– Со задоволство присуствував на отворањето на Младинскиот дом. Оваа година верувам дека посветено ќе го исполни дадениот збор, а тоа е почеток на изградба на Западниот булевар. огромен капитален проект чии што две фази чинат 85 милиони денари. И тука знам дека нема да застане бидејќи Гевгелија заслужува, граѓаните мора да се чувствуваат достоинствени и горди на својот град. Тоа ја враќа вербата дека може и мора поинаку, дека зборот во Македонија вреди и дека со чесност и посветеност ништо не може да ги спречи Промените на дело, изјави Мицкоски.
