Потпретседателката на Бугарија Илијана Јотова ја претставува Бугарија на 18-тиот Самит на Франкофонијата што се одржува на островот Џерба, Тунис. Темата на форумот е „Поврзаност во различностите: дигитализација, вектор за развој и солидарност во франкофонската област“, пренесува Трибуна.
Во рамки на форумот, Илијана Јотова разговараше со претседателот на Европскиот совет Шарл Мишел, со францускиот претседател Емануел Макрон и со министерот за надворешни работи на Република Северна Македонија Бујар Османи, информираат од прес-службата на Претседателството.
Во бугарската делегација предводена од потпретседателот Јотова учествуваше и министерот за надворешни работи Николај Милков.
