Министерот за здравство Беким Сали објави дека на негово барање, Владата на седница одлучила да издвои дополнителни 60 милиони денари за долгогодишниот проблем во Кичево, а тоа е болница. Имено, објектот за нова болница во овој град веќе 30 години е карабина и никако да биде завршен, иако се сменија неколку Влади, но и градски власти.
-На мое барање Владата на денешната седница во Буџетот за 2023 година додели дополнителни 60 милиони денари за да се реши долгогодишниот проблем за завршување на активностите за изградба на проектот за новата болницата во Кичево. Го исполнивме ветувањето – обезбедивме средства за Кичевчани да добијат нова болница, порача Сали.
