Претседателот на Американскиот универзитет во Бугарија (AUBG) Дејвид Еванс и генералниот директор на ПСУ „Jахја Кемал“ Исмаил Ердил потпишаа Меморандум за соработка.
Соработката, како што соопшти ПСУ „Jахја Кемал“, ќе се одвива на неколку стратешки нивоа. На учениците на ПСУ „Jахја Кемал“ ќе им се дадат специјални услови за студирање во Американскиот универзитет во Бугарија (AUBG).
-Двете институции се договорија да соработуваат при аплицирање и спроведување на дополнителни проекти кои се од заеднички интерес. Низ процесот на заедничка соработка двете институции ќе градат меѓусебна политика и процедури кои ќе имаат за цел да го подигнат квалитетот на образованието, а воедно ќе придонесат за промовирање на образовните услуги на овие две институции на регионалниот пазар на Балканот, се наведува во соопштението од ПСУ „Jахја Кемал“.
