Во Софија вчера и денеска се одржа 21-та средба на мешовитата бугарско-македонска комисија, јавува БГНЕС, пренесува Трибуна.
Основна тема за време на дводневните средби била Охридската архиепископија и нејзината улога, место и начин на кој што таа е претставена во учебниците за седмо одделение во РС Македонија.
По продолжителната дебата не била постигната согласност во однос на забелешките направени од бугарска страна. Во последниот ден на средбата научниците од двете страни повторно дебатираа за тоа каков да биде предлогот што треба да биде испратен до владите на Бугарија и РС Македонија во однос на заедничкото чествување на Гоце Делчев. По тоа прашање исто така не била постигната согласност.
Од БГНЕС јавуваат дека кон крајот на разговорите по оваа тема се јавила и мала тензија.
Архиепископија Охридска на прва Јустинијана и на цела Бугарија, скратено нарекувана Охридска архиепископија е името на бугарската автокефална православна црква, потчинета на Цариградската вселенска патријаршија во освоените од Византија во 1018 г. бугарски земји. Таа е наследник на понижената во ранг Бугарска патријаршија. Создадена е со указ на императорот Василиј II бугароубиец и е уништена неканонски во 1767 година, со одлука на султанот по настојување на цариградскиот грчки патријарх Самоил Ханџери.
