Напади врз украинскиот главен град Киев, има загинати и повредени
– Утрово во Киев одекнаа неколку експлозии. Градоначалникот на украинскиот главен град, Витали Кличко, соопшти дека експлозиите одекнале во Шевченковскиот реон.
„Одекнаа неколку експлозии Шевченковскиот реон во центарот на главниот град. Сите служби се на лице место“, истакна Кличко.
Украинските медиуми соопштија дека во Киев се случиле три до четири експлозии.
Експлозиите одекнале на 1 до 2 километри од канцеларијата на украинскиот претседател.
Украинското Министерство за внатрешни работи соопшти дека во ракетирањето на Шевченковски загинале 8, а повредени се 24 лица.
