Дроновите играат клучна улога во воените операции на Украина во регионот Миколаев, каде што руското гранатирање ескалира во последните неколку недели. Украински извидувачки тим изврши операција со беспилотни летала во обид да се спротивстави на сите руски обиди да заземе поголема територија во регионот.
Advertisements
„Ова е војна на артилерија и беспилотни летала. Ја таргетираме и артилеријата. Сега ова ни се единствените очи. Ги има многу, но ние гаѓаме попрецизно“, изјави Батон, украински командант,
Батон го набљудува чадот што се издига од нападот врз руската позиција неколку километри подалеку.
Анализата на британското Министерство за одбрана вели дека руската инвазија ќе влезе во нова фаза, во која борбите ќе се префрлат на линијата на фронтот од околу 350 километри што се наоѓа во близина на градот Запорожје во Херсон окупиран од Русија.
„Ние всушност очекуваме Русите да напредуваат бидејќи и ние имаме некои доминантни позиции, но исто така и тие. Ако тие останат на своите позиции, а ние напредуваме, тие ќе бидат готови, но ќе имаме многу загуби. Ако пак, тие тргнат да нè напаѓаат, ние ќе ги удриме и ќе извршиме контранапад и ќе ги заземеме нивните позиции“, рече Батон, украински командант.
Градот Миколаев, центар за бродоградба што руските сили го бомбардираат секој ден, се наоѓа на помалку од 100 километри од Херсон. Регионот се подготвува за можноста за руска офанзива или украинска контраофанзива./Алсат.мк
