Грција и Турција веќе долго време се расправаат за низа прашања, од барањето ресурси во Средоземното Море до воздушниот простор и миграцијата. Грција и Кипар вчера ја обвинија Анкара дека ги поттикнува тензиите додека се подготвува да испрати брод во Медитеранот во септември за да бара гас на морското дно.
„Конфликти во алијансата – токму тоа го сака рускиот претседател“, рече Баербок, додавајќи дека таа порака ќе ја повтори за време на посетата на Турција.
Грчкиот министер за надворешни работи Никос Дендиас изјави дека Грција е секогаш подготвена за дијалог со Турција, но дијалог во рамките на меѓународното право.
Дендиас рече дека Баербок го покренал прашањето за германската продажба на подморници У-214 на Турција, што според него може да го промени балансот на силите во источниот Медитеран во корист на Турција.
Грција и Турција беа блиску до конфликт во 2020 година, бидејќи Турција испрати истражувачки брод во спорните води во Средоземното Море. Разговорите продолжија минатата година по петгодишен прекин во обид да се решат споровите во Средоземното Море и други билатерални прашања.
Но, тие не напредувале многу. Турскиот претседател Реџеп Таип Ердоган во јуни изјави дека Турција ги завршува разговорите со Грција, делумно поради спорот со грчкиот премиер и, како што тврди Анкара, повреда на воздушниот простор.
