Градоначалникот на Бутел Дарко Костовски преку социјалната мрежа facebook најави градежна офанзива во Општината која до сега не била видена. Еве кои проекти ги најави Костовски:
Четири нови спортско рекреативни центри со спортски и детски игралишта и холтикултурно уредување.
– Во населба Бутел на местото познато како “ливада”.
– Во населба Радишани спроти “Олимпија”
– Во населба Скопје Север.
– На Улица 8 во местото викано Жегровец помеѓу Радишани и Љуботенски пат.
Нови детски игралишта во Љубанци, населба Радишани, Скопје Север, Бутел.
Нова пешачка патека во должина од 800м на улица 30 населено место Љуботенски пат.
Ново кошаркарско игралиште во Бутел 2 ООУ “Панајот Гиновски”
Ново мултифункционално игралиште во Визбегово.
Реконструкција на фудбалското игралиште во ООУ “Живко Брајковски”.
Нова ограда во ООУ “Св. Климент Охридски”.
Нови библиотеки во ООУ “Гоце Делчев” и “Петар Здравковски – Пенко”.
Целосна реконструкција и поставување на вештачка трева на фудбалското игралиште во Љубанци.
Реконструкција на пристапните пешачки патеки во Скопје Север.
Опремување и оспособување на нови кабинети по хемија и физика во неколку ООУ.
Поставување нова урбана на сите места каде што е потребно.
Ново зеленило и нови зелени скверови.
Довршување на проектот за изградба на кеј на реката Серава во Радишани.
Поставување на “легнати полицајци” онаму каде што е потребно согласно потребите на граѓаните.
Општина Бутел видливо се менува. Динамичното темпо кое го наметнавме ги крена очекувањата кај граѓаните на Општина Бутел и ние сме спремни да одговориме на потребите на граѓаните. Се што е ветено ќе биде реализирано, потребно е само малку трпение.
Чесно, посветено и со многу труд ќе работиме за поквалитетен живот на нашите граѓани.
Работа, работа и само работа! – напиша Костовски.
