Ако падне Талат Џафери паѓа владата, затоа Ковачевски прави будала од себе и не смее да го осуди дивеењето во собрание, велат од опозициската ВМРО-ДПМНЕ, уште еднаш барајќи одговорност од спикерот за скандалозната снимка.
-Ковачевски е толку уплашен од Џафери што вчера мораше да гледа и фудбал со него, само за да покаже пред јавноста дека стои зад Џафери, и да го понесе срамот врз себе.
До кога Ковачевски ќе продолжи да прави будала од себе за да не му излезе ДУИ од влада?
Сите го слушнаа Талат Џафери како пцуе вработени во собранието и врши мобинг врз нив, само Ковачевски едвај чека јавноста да заборава на случајот, за да не мора да го осуди Џафери и да не му се налути ДУИ.
Ковачевски само за да остане на власт е спремен да премолчи се, па дури и малтретирањето на вработените во собранието од страна на Џафери.
Ковачевски е спремен на се, па дури и да се слика со примитивецот од Форино, додека цела јавност се згрозува, само да поседи уште некој ден во фотелјата во влада.
Ковачевски е срам за државата исто колку и Џафери, затоа што за власт е спремен да жртвува десетина човечки судбини и да ги остави луѓето да бидат шиканирани од Џафери, велат од ВМРО-ДПМНЕ.
За потсетување, се појави аудио снимка на која се слуша гласот на Талат Џафери како пцуе и ги навредува луѓето вработени во собраниските служби. Од неговиот кабинет немаш реакција, додека Ковачевски изјави дека на таа аудио снимка не може да се види и процени кој со кого зборува, поради тоа не може да коментира.
