Министерот за внатрешни работи Оливер Спасовски соопшти дека првоосомничениот за убиството на ракометарот Денис Тот Анџело Ѓорѓиевски е предаден по опсежни мерки на тимот за потраги во Скопје.
-Се предаде на тимот за потраги. Сите оперативни информации, толку стеснет простор, придонесоа по неколкучасовни активности на полицијата да резултира со негово приведување во станицата во Аеродром, а потоа и спроведување во затворот Скопје, рече Спасовски во емисијата „24 анализа“.
Министерот додаде дека Анџело Ѓорѓиевски се криел во Скопје, во еден објект.„Многу шпекулации имаше околу него дека заминал од Македонија. Тој е фатен и изведен пред лицето на правдата. Се е врз основа на факти и аргументи. Знаевме дека е тука и интезивно се работеше околу негово пронаоѓање, додаде Спасовски.
