Американските воздухопловни власти истражуваат инцидент што се случи минатиот викенд над Лос Анџелес, кога два патнички авиона се приближија опасно еден до друг, кратко по полетувањето од Меѓународниот аеродром LAX. Настанот се случил на 7 ноември, околу 00:20 часот по локално време, пренесува CBS News.

Неовластено свртувањеСпоред Федералната управа за авијација (FAA), авион на „Ер Франс“ – лет 28 кон Тахити – извршил „неовластено свртување“ веднаш по полетувањето. Со тоа, авионот се нашол на патека што води кон судир со друго летало – лет 1660 на „Американ ерлајнс“ кон Далас – кое полетало истовремено од паралелна писта.

Sho tly afte taki g off f om LAX, a Ai F a ce jet made a u autho ized tu i to the flight path of a Ame ica Ai li es jet headed to Dallas. Some flight-t acki g sites say the pla es came withi 400 feet ve tically a d 4,600 feet late ally of each othe . https://t.co/gBRQbcuoDe

— ABC7 Eyewit ess News (@ABC7) Novembe 10, 2026

Аудиоснимките од контролата на летање откриваат дека контролорите реагирале итно за да спречат судир. Пилотите на „Ер Франс“ добиле насоки нагло да свртат надесно и да се вратат на својата доделена патека на летање. Во исто време, екипажот на летот на „Американ ерлајнс“ добил наредба да ја намали висината.

Прашања без одговорОткако опасноста поминала, контролорите во повеќе наврати ги прашувале пилотите на „Ер Франс“ зошто отстапиле од доделената патека; сепак, дури и по речиси 20 минути комуникација, не добиле јасен одговор. „Ми треба одговор. Какви насоки за полетување добивте од контролната кула?“ – може да се слушне како контролорот го прашува францускиот летачки екипаж на снимката.

Контролата на летање го класифицираше инцидентот како „можно отстапување од страна на пилотот“. Досега, ниту „Ер Франс“, ниту „Американ ерлајнс“ немаат дадено коментар за инцидентот.

ПОВРЗАНИ НАПИСИПОВЕЌЕ ОД АВТОРОТ