Полицијата пронашла дрога, пари и предмети поврзани со нивна употреба при претрес на дом во неготинското село Војшанци. Лишен од слобода е 60-годишен маж со престој во селото.
Претресот бил извршен на 16 октомври со судска наредба од Основниот суд во Кавадарци. Полициските службеници пронашле и одзеле марихуана, бела прашкаста материја, семки, дигитална вага, дробилка, пари и други предмети.
Мажот бил задржан во полициска станица, а за случајот бил известен јавен обвинител. По целосно документирање на настанот, против него ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
