Германскиот канцелар Фридрих Мерц е „длабоко огорчен“ од посетата на поранешниот канцелар Герхард Шредер на домот на Владимир Путин, каде што оваа недела беше прославен роденденот на рускиот претседател, објави денес портпаролот на германската влада.
Шредер, кој беше канцелар од 1998 до 2005 година, се соочи со критики во Германија и во странство поради неговите врски со руските бизнис кругови и Путин. Тој ги одржуваше овие врски и покрај руската инвазија на Украина во 2022 година и брановите западни санкции што следеа.
„Путин е единствено одговорен за војната во Украина. Неговите наредби се причина за неизмерно страдање, цивилни жртви, разделени семејства, мртви и ранети“, рече портпаролот, како што објави Ројтерс.
„Канцеларот верува дека учеството на г-дин Шредер во таква прослава е крајно неморално.“
Путин наполни 74 години во четвртокот.
Шредер (82) и неговата сопруга Со-џон Шредер-Ким, која повремено управува со неговите комуникации со јавноста, не одговорија веднаш на барањата на Ројтерс за коментар.
