Бродовите „Алфа ватан“ и „Абл“ не беа меѓу целите погодени од руските вооружени сили ноќта на 6 октомври.
Ова го соопшти руската амбасада во Бугарија за Бугарското национално радио, повикувајќи се на информации објавени од Министерството за одбрана на Руската Федерација.
Во ставот се наведува и дека за да се утврди националноста на беспилотните летала што се користат за напаѓање на бродовите, потребно е да се почекаат резултатите од истрагата.
Двата брода беа погодени од беспилотни летала ноќта на 6 октомври, во бугарската ексклузивна економска зона на Црното Море. Бродот „АЛФА ВАТАН“ потона за помалку од три минути и не беа пронајдени преживеани, иако блискиот бугарски брод „Диоскурсија“ дојде на помош, пишуваат бугарските медиуми.
Морнарите на „Абл“ беа спасени, а двајца од нив беа повредени во нападот. Бродот превезувал жито од Украина, а морнарите претпоставувале дека бил погоден од руски беспилотни летала.
Украинскиот претседател Володимир Зеленски синоќа негираше дека украинските вооружени сили спроведуваат какви било операции во областа и ја обвини Русија за нападите.
Текстот Русија негира дека бродовите погодени во близина на Бугарија биле нејзини цели е превземен од МАКФАКС.
