Норвешка има нов крал. Хакон VIII го презеде тронот откако неговиот татко Харалд V почина утрово на 89-годишна возраст во болница во Осло.
Хакон, кој има 53 години, постепено преземаше повеќе кралски должности со текот на годините поради влошената здравствена состојба на неговиот татко, а во неколку наврати служеше и како регент. Неговата најстара ќерка Ингрид Александра сега е наследничка на тронот.
Тој доаѓа на тронот во чувствително време за норвешкото кралско семејство, кое во последните месеци беше потресено од скандали поврзани со неговата сопруга Мете-Марит и нејзиниот син Мариус Борг Хеиби.
Како млад човек, Хакон се обидуваше да живее што е можно подалеку од кралскиот протокол и вниманието на јавноста.
За разлика од неговиот татко и дедо, кои студирале на Оксфорд, тој студирал на Универзитетот во Калифорнија, Беркли. Тој бил привлечен од американската музичка сцена и сурфањето, и рекол дека сакал да биде што е можно подалеку од дома.
По враќањето во Норвешка во 1999 година, тој ја запозна Мете-Марит на музички фестивал. Нивната врска привлече големо внимание бидејќи таа била обична жена и самохрана мајка.
Тие се венчаа во 2001 година и имаат две деца, Ингрид Александра и Свере Магнус. Хакон го одгледал Мариус, синот на Мете-Марит од претходна врска, како свој посинок.
Хакон се качува на тронот откако беа објавени документи кои ги открија контактите на Мете-Марит со починатиот осуден сексуален престапник Џефри Епштајн.
Случајот Мариус Борг Хоиби беше уште еден удар за кралското семејство. Тој беше прогласен за виновен во јуни по две точки за силување и едно точки за семејно насилство и беше осуден на четири години затвор.
Хакон претходно јавно зборуваше за своето сочувство кон жртвите, но исто така го поддржуваше и своето семејство.
Хакон VIII стана четвртиот норвешки крал од враќањето на независната монархија во 1905 година.
Потоа Норвешка на референдум одлучи да ја задржи монархијата откако го раскина својот сојуз со Шведска. Данскиот принц Карл стана крал Хакон VII, а го наследија Олав V и Харалд V.
Харалд V владееше од 1991 година. Тој имаше чести здравствени проблеми во последните години, а претходно овој месец беше хоспитализиран поради бактериска инфекција на крвта. Неговата состојба беше прогласена за многу сериозна вчера.
фото/ЕПА
Текстот Норвешка има нов крал е превземен од МАКФАКС.
