Марк Цукерберг купи готски замок од 19 век со поглед на река во југоисточна Ирска, на 200 километри од европското седиште на неговата компанија. Извршниот директор на „Мета“ и неговата сопруга, Присила Чан, ќе го користат замокот и неговиот имот од 178 хектари како база за време на нивниот престој во Ирска.
„Марк и неговото семејство со нетрпение очекуваат да продолжат да се грижат за овој историски дом и да бидат во Ирска, каде што „Мета“ има свое меѓународно седиште“, изјави портпаролот.
The new owners of Strancally Castle will likely have been attracted to the Co Waterford Gothic property by the chance of a game of croquet on its lawns, a dip in its swimming pool, or a “Silicon Valley walk-and-talk” in its extensive grounds. Omitted from the list of features,… pic.twitter.com/hkHmPwZrKe
— The Irish Times (@IrishTimes) August 20, 2026
Цената на замокот не е позната, но „Ајриш тајмс“, кој прв објави за продажбата, ја процени вредноста на имотот помеѓу 20 и 30 милиони евра. Тоа е околу 10 проценти од вредноста на суперјахтата на Цукерберг од 118 метри.
Замокот е изграден во 1830 година за Џон Кејли, поранешен пратеник од Конзервативната партија, и бил раскошно дизајниран од архитектите Џејмс и Џорџ Ричард Пејн. Според книгата „The Houses of Ireland“, од трпезаријата до кујната се стигнува за „четири и пол минути брзо одење“.
Текстот Цукерберг купи готски замок од 19 век во Ирска е превземен од МАКФАКС.
