Американскиот актер Џон Хам (55) и неговата сопруга Ана Осеола (38) го очекуваат своето прво дете. Веста беше потврдена за People од неименуван извор, а дојде три години откако ѕвездата на „Mad Men“ првпат јавно проговори за можноста за основање семејство.
Хам се појави во подкастот „Table for Two“ во јуни 2023 година. Кога го прашаа дали планира да основа семејство, тој одговори дека „останува да се види“. Тој ја даде изјавата само неколку дена пред неговата свадба, додавајќи дека е во возбудлив период од својот живот каде што се чувствува стабилно и сигурно.
Двојката се венча во јуни 2023 година во Биг Сур, Калифорнија, на истата локација каде што се запознале во 2015 година додека ја снимале последната епизода од серијата „Mad Men“. Почнале да се забавуваат пет години подоцна, а Хам ѝ предложил брак на Ана на почетокот на 2023 година.
По свадбата, тие повторно работеа заедно, на втората сезона од серијата „Your Friends & Neighbors“, која Хам ја снима за Apple TV+. Во април, актерот со смеа изјави за People дека заедничкото работење е забавно и практично.
„Понекогаш можеме да го донесеме кучето, што е одлично бидејќи не мора да плаќаме за чување деца. Плус, ги избегнуваме тие разговори што траат еден час за тоа што се случило на работа“, рече тој.
Пред неговата врска со сегашната сопруга, Хам беше во долгогодишна врска со актерката Џенифер Вестфелд, од 1997 до 2015 година.
фото/Depositphotos
Текстот Актерите Ана Осеола (38) и Џон Хам (55) го очекуваат своето прво дете е превземен од МАКФАКС.
